तेह्रथुम, असोज १९ गते । इन्टरनेट जडान गर्नेक्रममा करेन्ट लाग्दा तेह्रथुमको आठराई गाउँपालिकामा बुधबार एक युवकको मृत्यू भएको छ ।
मृत्यु हुनेमा आठराई गाउँपालिका–४ ईवाका २४ वर्षीय निलम ईङनाम रहेको ईलाका प्रहरी कार्यालय संक्रान्तिबजारका प्रहरी निरीक्षक योगराज सुवेदीले जानकारी दिनुभयो । उहाँका अनुसार ईङनामको करेण्ट लागेर घटनास्थलमै मृत्यू भएको हो । इन्टरनेट जडानको लागि बिद्युतको पोलमा चड्दा ईङनामलाई करेन्ट लागेको प्रहरीले जनाएको छ ।
मृतकको शव परीक्षणको लागि जिल्ला अस्पताल पाँचथर लगिएको छ ।
